IRCTC par id kaise banaye hindi me.

IRCTC ka matlab hota hai "Indian railway catering and tourism corporation" agar iska hindi me matlab dekhe to wo kuch is tarah se hoga.


Indian = भारतीय
Railway = रेल्वे
Catering = खानपान
and = और
tourism = पर्यटन
corporation = निगम
IRCTC ka mukhya kaam hota hai ki iski madad se hum online aasani se ticket book kar sakte hai, kahne ka sidha sa matlab yahi hai ki IRCTC Railway line se juda hai ye isi ka ek bhag hai jo hame rail me kai sari suvidha pradan karta hai, par IRCTC se ticket ko book karne ke liye hame IRCTC par ek id ya yu kah lo ki hame IRCTC par account banane ki jarurat hogi. TO ab hum ye jaan lete hai ki IRCTC par Account kaise banaya jata hai.
IRCTC par id kaise banaye hindi me.

IRCTC par account kaise banaye

IRCTC par aapko account banane ke liye 2 chije jo me aapko yaha bata raha hu aapke paas hona chahiye

1. Email ID

1. Phone Number

Aapko IRCTC par account banane ke liye in do chijo ki jarurt hogi. Ab sabsr pahle aap niche diye gaye link par click kare yaha aapko ek for milega use bhare.

IRCTC INDIA SIGNUP

IRCTC par Account kaise banaye hindi me.

Ab aapko ek form diya jata hai is site par jise aapko bharna hoga aur ek baat yaad rakhe ki aap ye form computer ya fir laptop ki madad se hi bhare mobile se nahi kyoki mobile se form bhrne me aapko site par error aata hai, aur ha ek aur baat aap is form ko jaldi bhare kyoki is form ko ham bahut jyada samay lekar bharte hai to ye connection error ka message dikhayega aur fir se form bharne ka bolega. Ab dekhte hai ki form kaise bharte hai.

Form kaise bhare


  1. Aapko apna ek user id daalna hoga jisme aap number aur alphabet ka istemaal kar sakte hai par ek baat yaad rakhna ki aapke user name me keval 10 word hona chahiye usse jyada nahi.
  2. Ab aapko password dalna hai 8 se 15 character ka aur jisme aap number aur alphabet ke charcter ko use kar sakte hai.
  3. Apna password ek baar fir se daal kar confirm kare.
  4. Ab aapko is field me apna koi ek favorite question chunna hai jo ki aapka securty question hoga.
  5. Is field me aapko apne security question ka ans. dena hai. Inse hoga ye ki jab bhi aapko account recover karna hoga to aapko ye question puch jayega aur iska ans. jo aapne bataya hai wo dena hoga.
  6. Preffered language me aapko apni bhasha chunna hai aap agar hindi rakhna chahte hai to hindi chune nahi to english hi rahne de.
  7. Ab apna first name daal de.
  8. apna middle name agar hai to dale nahi to is field ko khaali rahne de.
  9. Apna last name dale yani ki apna surname bhare.
  10. gender me male agar aap ladka hai aur female agar aap ladki hai.
  11. isme aapko merital status ya ni ki aap shandi shuda hai ya nahi agar hai to marrid aur nahi to unmarrid chune.
  12. Is field me aapko apna date of birth dalna hai aap apna sahi date of birth hi dale.
  13. Occupation me aap kya karte ho wo bharna hai isliye aap jo bhi kaam karte hai us hisaab se yaha kuch option milte hai to aap koi ek select kare.
  14. Pan card number aap is field ko rahne de hame apna pan card bharne ki jarurat nahi hoti hai
  15. Aadhar card number dalna bhi jaruri nahi hai aap ise bhi blank chod sakte hai.
  16. Countory me apna desh jaha bhi aap rahte hai use select kare.
  17. Ab aapko apna email id dalna hai is par verification aata hai to aap apna asli email id daale
  18. Ab aapko apna mobile number daalna hai to aap koi chalu number dale band number use nahi karna hai.
  19. Nationality me aapko apne desh ka naam likhna hai yani ki jaha ke aap rahne wale hai jaise ki aap kahi bahar ke rahne wale hai to waha ki country select kare na ki wo jaha aap abhi rah rah rahe hai.
  20. Flat/block number yaha par aapko apne ghar ka number ya aapka flat number dalna hai.
  21. Street/lane ise khali chod sakte hai.
  22. Area/locality ko bhi aap khali rahne de ise bhi bharne ki jarurt nahi hai.
  23. Pin Code me aapko apne shahar ka pin code dalna hai sabke shahar ka apna ek alag pin code hota hai jo ki sabhi ko pata hota hai, agar aapko apne shahar ka pin code nahi pata hai to aap kisi se bh pich shate hai.
  24. State me aapko apne desh ke pradesh ka naam likhna hai jaha se aap hai jaise ki mene madhya pradesh dala hai.
  25. City/Town yaha par aapko apne state ke shahro ke naam dikhenge to inme se aapko apna desh chunna hai.
  26. Post Office me aapko apne shahar ke aas paas ke post office ke naam diye jate hai to jo sabse paas wala post office hai aapuse chun le.
  27. Ab ek baar fir se apna phone number dalde.
  28. Ab aapko captcha code dalna hai aap is captcha code ko achcha se dekh kar bhare.
  29. Last Step me Submit Ragistartion Form par click karede.

Is tarah se aap form fill kar sakte haii mene yaha par sari field ki jankari dedi hai ab jaise hi aap form ko submit karte hai aapke samne ek box open hoga isme aap I agree par click karde. Jaise hi aap i agree par click karte hai aapko thank you ka message show hoga aur us message me bola jayega ki jo email aapne ragistration ke waqt dala tha us par aapka confirmation email bheja gaya hai us mail me ek link hai us par click karke aap apna account verify kar de aapka account puri tarah se ban jayega.

Dosto aap ye sari step ko follow karke badi hi aasani se apne liye IRCTC par account bana sakte hai hai mene yaha par IRCTC par account banane ki sari steps achche se batai hai par fir bhi aapko koi problem aati hai to aap hame bata sakte hai aur hamari dusri post bhi jarur padhe jiska link mene niche diya hai. agar aapko ye post pasand aaya to aap ise share jarur kare.

No comments:

Post a Comment

Apna Comment Kare