Phishing page kya hote hai? Phishing sites se kaise bache

Hi Friends, Aaj hum aapko batane vale hai Phishing page kya hote hai kis tarah se hackers phishing sites ki help se kisi bhi vyakti ka Facebook account, Bank account, email account ya phir dusra koi bhi social, official account hack kar sakte hai. Kisi bhi usera ka data, account churane ka Phishing sabse achha tarika hai esliye Hackers es technique ka use jyada karne lage hai kyonki isse users jaldi fas jata hai aur unka kam ho jata hai magar ese me user ka data chori ho jata hai aur uska account, private data, personal information bhi chori ho sakti hai aur uska misuse ho sakta hai. To dosto es post me hum Phishing kya hota hai aur hacker kis tarah logo ke account hack karne ke liye iska use karte hai ke sath yeh bhi batane vale hai Phishing page, phishing sites ko pehchane aur phishing se kaise bache.
PHISHING-PAGE-KYA-HOTE-HAI-PHISHING-KI-JANKARI

Phishing page kya hota hai?

Phishing ek tarah ka duplicate ya clone page hota hai jo dikhne me real account login page jese dikhte hai magar Real pages hote nahi hai. Phishing page ka use users ka account hack aur unki personal details ko churane ke liye kiya jata hai. Phishing pages ki link User ko Facebook, email, Text message me receive ho sakti hai aur jab user us link par click karta hai to Phishing link user ko site ke homepage jaha se user login karta hai pe pahcha deti hai jisse usera ko lagta hai ki uska account log out ho chuka hai tab user apne id aur password dalta hai aur login karta hai jese hi user login karta hai to uske id aur password Phishing page banane vale hacker ke pas pahuch jate hai. Ab hacker kabhi aapke id aur password se account me login kar sakta hai. Esliye phishing link aur phishing pages se savdhan rahe kyonki yeh aapke kisi bhi tarah ke account data ko chura sakte hai.

Phishing Page ko kaise pahchane?

Yeh page dikhne me real website jaise hi hote hai par esa nahi hai ki hum inhe pahchan nahi sakte hai. hum thodi satrkta rakh kar en fake link aur phishing page ko pahchan sakte hai aur identify kar sakte hai.
  • En pages ki link Real link jesi kabhi nahi ho sakti hai inki link me hamesh kuch na kuch spellings me mistake jarur hoti hai jese- www.facebuk.com, www.facebouk.com jabki Real link ki spellings bilkul correct hoti hai inme koi bhi word ya spellings mistake nahi hoti hai.
  • Phishing links ko open karne ke baad me iska pages kabhi bhi pura load nahi hota hai inme kuch jagah khali rah jati hai ya khali jagah par question mark aur dusre code show hone lag jate hai jisse aap aasani se phishing login page ko identify kar sakte hai.
  • Sabhi Official aur social sites HTTPS high security ka use karti hai aap chahe to ise facebook.com par check kar sakte hai magar phishing links ko open karne par hume only HTTP likha dikhta hai jisse hum real aur fake difference kar sakte hai.
  • Jab aap mobile, computer chala rahe ho aur aapko message aaye aur likha ho ki Aapko 5 lakh ka Inam mila hai es link par click kare aur ise apne account me transfer kare tab kabhi bhi ese message ke sath aayi link par click na kare. Esi link aapko Facebook, email, text kisi bhi tarike se mil sakti hai.
  • Agar aap phishing link galti se open kar bhi lete hai aur login karne ke liye kaha jaye to us tab ko close kar dijiye aur phir kabhi us link par click nahi kare.
Dosto es tarike se hum Real link aur phishing page ko identify kar sakte hai aur khud ko phishing ka shikar hone se bacha sakte hai. Aapko hamari yeh post kesi lagi hume comment kar jarur bataye. 

No comments:

Post a Comment

Apna Comment Kare